Китапханә турында

13 нче санлы китапханә 1978 елның сентябрендә үз ишекләрен ача. Ул Татарстан ур., 12 нче йорт, 146 һәм 148 нче фатирлар адресы буенча торак йортның беренче катында урнаша.
Шул вакыт эчендә китапханәнең китап фонды 4607 дән 27 300 данәгә кадәр үсте. 
Китапханәгә килүчеләр саны 22 меңнән артып китте.  
13 нче санлы китапханә 22, 23, 24, 25, 26, 48, 49, 50, 51, 63, 64, 65 мәхәллә, Боровецкое шәхси секторында яшәүчеләргә хезмәт күрсәтә. 

Китапханә төрле яшь төркемнәре укучылары арасында актив эш алып бара. 
Ул үз эшен шәһәрнең гомумбелем бирү һәм мәктәпкәчә белем бирү учреждениеләре белән  яраклаштыра:

- 27, 33, 42 нче урта гомумбелем бирү, 32 нче аерым фәннәрне тирәнтен өйрәнү белән урта гомумбелем бирү мәктәпләре, Чаллының сәламәтлек мөмкинлекләре чикле балалар өчен 68 нче һәм 87 нче санлы мәктәпләре;

- танып белү-сөйләм юнәлешендә үсеш буенча эшчәнлек алып баручы 72 нче «Антошка» балалар бакчасы, 110 нчы «Курочка Ряба» һәм 54 нче «Искорка» балалар бакчалары;

- һөнәри белем бирү учреждениеләре: Чаллы политехника көллияте, Чаллы педагогия көллияте;

- Автозавод районы Башкарма комитеты администрациясе;

- «Светлый» җирле иҗтимагый үзидарәсе.

Китапханәнең җитәкчесе – Кляпышева Елена Николаевна.

Китапханә әдәбиятны өйгә бирү абонементы, уку залы һәм 14 яшькәчә балалар өчен әдәбият бирү кафедрасыннан тора.

Абонемент – китапларны билгеле бер вакытка алып торырга мөмкин булган бүлек. Ул 14 яшьтән өлкәнрәкләргә хезмәт күрсәтә.

Өйгә нинди китаплар алырга була?

1. Матур әдәбият 
Рус, совет һәм чит ил классикасы әсәрләре, хәзерге заман авторлары китаплары, һәм шулай ук татар язучыларының татар әдәбияты китапханәнең алтын фондын тәшкил итә. 
Детективлар, хатын-кыз романнары, тарихи проза, фантастика, фэнтези сезне көтә!

2. Тармак әдәбияты
Алгебра, физика, химия, биология, техника, төзелеш, кул эше, медицина, тарих, педагогика, әдәбият белеме, спорт, философия, дин һәм психология киң ассортиментта тәкъдим ителә.

3. Чит телдә әдәбият: инглиз, француз һәм немец телләрендә. Испан, итальян, грек, япон телләре буенча өйрәтүче материаллар.

4. Татар һәм рус телләрендә Татарстан, республиканың шәһәр һәм районнары, Чаллы шәһәре оешмалары һәм күрнекле урыннары турында китаплар.

Уку залы барлык яшь төркемнәре укучыларына хезмәт күрсәтә.

Белешмә һәм уку, төрле тармаклар буенча әдәбият күп тәкъдим ителә. 
Фондта:
- 25 томлык «Зур Россия Энциклопедия»се;

- популяр «100 бөек» сериясе - танылган шәхесләр һәм даһи кешеләрнең күренекле иҗат әсәрләре, иң гаҗәеп күренешләр һәм табигать серләре, бөек тарихи һәм мәдәни вакыйгаларның уникаль энциклопедияләре;

- Кыскача медицина энциклопедиясе 3 томда;

- Күренекле кешеләр тормышы сериясе (ЖЗЛ -Жизнь замечательных людей);

- Чаллы шәһәре энциклопедиясе;

- Татар энциклопедиясе 6 томда;

- Чаллы шәһәре, КамАЗ заводы турында әдәбият.

Укучылар мәктәп дәресе өчен бирем башкара ала; реферат, курс яки диплом эше язу өчен уку-укыту һәм фәнни-популяр әдәбият табарга мөмкин.
Уку залының үзенчәлеге – рус һәм татар телләрендә чыгучы вакытлы матбугат басмалары фонды.
Китапханә 23 исемдәге журнал һәм 7 исемдәге газета яздырып ала. 
Уку залында «Караван историй», «Физкультура и Спорт», «Чудеса и приключения», «Татарстан», «Казань», «Идел», «Аргументы и Факты» журнал һәм газеталарының яңа саннарын укырга яки өйгә алырга мөмкин.

Уку залы төрле чаралар уздыру урыны буларак та хезмәт итә. 

14 яшькәчә балаларга әдәбият бирү кафедрасында китаплар 10 көнгә тапшырыла.

Монда балалар мәктәп программасы буенча белемнәрен киңәйтеп кенә калмый, ә сыйныфтан тыш уку өчен, заманча һәм популяр әдәбият китаплары да таба ала. 
«Том и Джерри» комикслары, «Мир Техники», «Непоседа» журналлары кече мәктәп яшендәге балалар арасында бик популяр. 

Ата-аналар укый белүче һәм белмәүче мәктәпкәчә яшьтәге балалар өчен китаплар, шулай ук төнгә балаларга уку өчен төрле әкиятләр таба ала.

Китапханә күрсәтә торган хезмәтләр:

- электрон каталог (ТР муниципаль китапханәләренең җыелма Электрон каталогында документлар эзләү);
- китапларны куллану вакытын озынайту. Озынайту ысуллары: библиотека-челны.рф сайтында, 56-36-40 телефоны аша һәм ВК социаль челтәрендә http://vk.com/chelny.library13;
- өйгә китаплар китерү (кирәк булганда: пенсионерларга һәм инвалидларга өйләренә алып килү);
- китапларны эзләү һәм китапханәдә бармы-юкмы икәне турында мәгълүмат бирү, консультатив ярдәм күрсәтү;
- балалар һәм өлкәннәр өчен түләүле һәм түләүсез чаралар уздыру;
- компьютер-күчермә һәм күбәйткеч хезмәте күрсәтү: компьютерда текст җыю, документ текстын төзәтү, текстны кәгазьгә бастырып чыгару, күчермә ясау, сканлаштыру.

КИТАПХАНӘБЕЗГӘ РӘХИМ ИТЕГЕЗ!
Без сезне яратабыз һәм көтәбез!