«Китап белән үс, нәни укучы» (0+)

Традицион айлык очрашулар кысаларында 54 нче «Искорка» балалар бакчасында тәрбияләнүчеләр белән бергә 13 нче санлы китапханә хезмәткәрләре «Китап белән үс, нәни укучы» дигән әдәби-танып белү әңгәмәсе оештырды.

Мәктәпкә әзерлек төркемендәге балалар «Гаҗәеп китап тарихы» презентациясе барышында китапның ничек ясалуы турында белде, китап нәшриятында эшләүче кешеләрнең һөнәре белән танышты. 

Балалар китапның төзелешен өйрәнде, автор, рәссамның фамилиясе турында мәгълүмат язылган тышлык, китапның тиражы һәм бу мәгълүматның кайда басылып чыгуы турында белде. Алынган белемнәр «Кем нәрсә эшли» һәм «Сүзне өстә» уеннарында ныгытылды.

Китап җитештерү заман белән бергә атлый, төрле өстәмә мөмкинлекләре булган китаплар барлыкка килә. Мисал өчен, балалар һәм тәрбиячеләр бик теләп китапханә фондындагы 3D һәм 4D форматларындагы китапларны карады. 

Чара «Яраткан әкият геройларын таны» дигән күңелле викторина белән тәмамланды. Барысы да канәгать калды!