"Минем гаиләм"

29 октябрь көнне Ю. Гагарин исемендәге үзәк балалар китапханәсендә татар телен өйрәнү буенча эшләп килүче  «Тамчы» түгәрәге кысаларында «Минем гаиләм»дигән темага рольле уен үткәрелде. 3-нче номерлы балалар бакчасында тәрбияләнүчеләр уен барышында бер-берсен татар телендә сәламләделәр. Китапханәче балалар белән «гаилә» темасына әңгәмә үткәрде. Балалар яңа теманы төрле дидактик уеннар, әңгәмәләр аша ныгыттылар. Чара барышында  А. Вәлиеваның «Мин һәм минем гаиләм»шигырен тыңладылар, табышмак  чиштеләр, «Кем юк?», «Кунаклар килгәч», «Минем гаиләм» уеннарында актив катнаштылар.