"Бер- берегезне һәрвакыт саклагыз"
3 нче июль көнне шәһәрнең Ю. Гагарин исемендәге үзәк балалар китапханәсе китапханәчеләре 2 нче мәктәп яны лагеренда ял итүче балалар өчен, Гаилә, мәхәббәт һәм тугрылык көненә багышлап, Петр һәм Феврония Муромскийларның туган җиренэ виртуаль - сәяхәт үткәрделәр. Презентация барышында балаларга бәйрәмнең тарихы һәм Петр белән Феврония легендасы турында сөйләнелде. Аннан соң балалар “Гаилә турындагы мәкалләрне әйтеп бетер”, “Кем син?” уеннарында теләп катнаштылар, ребуслар,табышмаклар, кроссвордлар чиштеләр. Очрашу күңелле, кызыклы һәм мавыктыргыч үтте. Ә балаларның күңелендә иң мөһиме “бәхет ул –дус, ышанычлы һәм нык гаиләдә” дигән фикер калды.