«Сары кирпечле юл буйлап»

1 һәм 2 июль көннәрендә Ю.Гагарин исемендәге Үзәк балалар китапханәсе китапханәчеләре 6 нчы, 8 нче һәм 12 нче мәктәп яны лагерьларындагы балалар өчен А.М. Волковның тууына 130 ел тулу уңаеннан «Сары кирпечле юл буйлап» дип исемләнгән әдәби сәяхәт үткәрделәр. Китапханәчеләр балаларны язучының биографиясе һәм иҗаты белән таныштырдылар. Чара барышында балалар «Изумрудный город» әдәби викторинасы сорауларына кызыксынып җавап бирделәр, «Тотошка табышмаклары»на  җавап бирделәр, «Кем ул?» һәм «Яхшы-начар» уеннарында катнаштылар. Ә иң мөһиме, А.Волков иҗаты белән танышканда, балалар чын дуслар белән генә теләсә нинди авырлыкларны җиңеп була дигән нәтиҗә ясадылар.