«Балачак-әкият иле»

1 июнь көнне Ю.Гагарин исемендәге Үзәк балалар китапханәсе китапханәчеләре Лениногорск шәһәренең «Юбилейный» паркында Балаларны яклау көненә багышланган «Балачак-әкият иле» дип исемләнгән күңел ачу – уен программасы үткәрделәр. Балалар белән «Тылсымлы сандык» дип аталган викторина үткәрелде. Аннан соң балалар эстафеталарда катнашу өчен ике командага бүленделәр. «Тупны обручка сал», «Кичу», «Тупны тапшыр», «Кырыгаяк», «Көнгерәдән ким түгел», «Куыш», «Туннель», «Саз» эстафеталарында катнаштылар. Бәйрәм бик күңелле үтте, барысы да татлы призлар һәм яхшы кәеф алдылар.