Шырпы кечкенә, ләкин янгын зур

17 гыйнвар көнне Ю. Гагарин исемендәге Үзәк шәһәр балалар китапханәсендә17 нче балалар бакчасында тәрбияләнүчеләр өчен «Шырпы кечкенә, ләкин янгын зур» дип исемләнгән куркынычсызлык сәгате үткәрелде. Балаларның куркынычсызлыгы кышын, җылыту сезоны җиткәч һәм җәй көне, кискен арта. Шуңа күрә балаларга янгын куркынычсызлыгы кагыйдәләре турында даими искәртергә кирәк. Чара башында балаларга кунакка шырпы килде, ул алар белән «Ут су» уенына уйнады. Аннан соң балалар янгын турында табышмаклар чиштеләр, «Янгынны ничек сүндерергә», «Яшь янгын сүндерүчеләр»уенын уйнадылар. Бик теләп янгын куркынычсызлыгы турында шигырьләр тыңладылар һәм укыдылар. «Янгын вакытында үз-үзеңне тоту кагыйдәләре турында  плакатлар ярдәмендә төрле ситуацияләр карап тикшерелде.