Әйдәгез болындагы ромашкаларны саклыйк

5 июль көнне Ю. Гагарин исемендәге Үзәк балалар китапханәсе китапханәчеләре «Әйдәгез болындагы ромашкаларны саклыйк» дигән җәйге урамда уку үткәрделәр. Безнең планета-олы бер сер һәм могҗиза. Әлеге чараның максаты балаларның табигать дөньясына карата кызыксынуларын үстерү, аны саклау өчен җаваплылык хисе тәрбияләү, балаларны үсемлекләр һәм хайваннар , табигатьне саклау һәм яклау эшчәнлегенә җәлеп итү иде. Балалар үзләренең экологик белемнәрен күрсәттеләр: алар  табигать нәрсә икәнен һәм табигатьтә үзеңне ничек тотарга кирәклеген сөйләделәр. «Хайваннар, кошлар, бөҗәкләрне әдәби персонажлар исеме буенча таны», «Логик чылбыр», «Үсемлекләрне таны»,  «Урман табышмаклары»на җавап бирделәр. Чара ахырында балалар «Свирель» экологик журналын бик теләп укыдылар.