“Кич утырдык бергәләп”

12 октябрь көнне Г.Тукай исемендәге Үзәк китапханәнең милли бүлегендә “Кич утырдык бергәләп” дип исемләнгән фольклор кичә узды.
Кичәгә шәһәребезнең 11 гимназия укучылары, әдәбият, сәнгать сөючеләр җыелды. Кичәнең кунаклары Кирлегәч авлыннан килгән “Ихлас” фольклор ансамбле коллективы “Канат сыдыру өмәсе” күренешен тәкъдим иттеләр.
Чара барышында яшь буын татар халкының “Унлы”, “Таба әйләндерү”, “Йөзек салыш” һәм башка уеннарында бик теләп катнаштылар.
Гореф - гадәтләр, фольклор ансамбль чыгышы, энҗегә тиң шигъри юллар, китаплардан укылган өзекләр - иң беренче чиратта туган телебезгә гасырлардан килгән мәхәббәт тәрбияли. Яшь буынга татар халкының фольклор күренешләре, җырлы - биюле уеннары, бик тә ошады.
Бәйрәм кичәсе шулай ук Милли мәдәниятләр һәм гореф-гадәтләр елы кысаларында үткәрелде.