Сәхнәбездә «Шалкан» әкияте
27 мартта, Мөэмин-Каратай авыл китапханәсе мәдәният хезмәткәрләре белән берлектә, Халыкара театр көне уңаеннан, балалар белән рус халык әкиятеннән тәрҗемә ителгән "Шалкан" әкиятен сәхнәләштерделәр. Әлеге әкияткә яшь артистлар бик теләп алындылар, оста итеп уйнадылар. Бу чара яшь буын күңелендә, гомумән әкияткә карата соклану уятты, театр белән турыдан - туры очрашу бик ошады. Киләчәктә дә театр сәнгате балаларны үзенә тартачагына инандык.