«Ил сагында батыр егетләр»
22 февральдә Мөэмин-Каратай мәдәният йорты хезмәткәрләре, китапханәче белән берлектә, Ватанны саклаучылар көненә багышланган “Ил сагында батыр егетләр” дигән конкурс-уен программасы үткәрделәр. Чарада тиздән ил сагына басачак егетләр катнашты. Аларга «строй әзерлеге», «Командир приказы», «Кем тизрәк» ярышларында үзләрен чын солдатларча күрсәтергә кирәк иде. Командалар армия тарихы, бөек рус полководецлары, Бөек Ватан сугышының тарихи фактлары турындагы сорауларга җаваплар бирделәр. Биремнәр арасында үзешчән сәнгатьтә катнашучылар башкаруында җырлар яңгырады. Шулай ук Армия темасын яктырткан патриотик шигырьләр яңгырады.