“Сезгә бары хөрмәт, өлкәннәр”

20 март көнне, Җиңүнең 75 еллыгына багышлап Мөэмин-Каратай авылы китапханәчесе Шәмсуаров Т.Я. авыл җирлеге башлыгы Ханнанова А. А. һәм мәдәният йорты хезмәткәрләре белән берлектә тыл ветераннарының өйләренә бардылар. Аларга тантаналы рәвештә РФ Президенты Указы буенча медальләр тапшырылды. Өлкәннәр өчен авыл үзешчәннәре катнашында әдәби-музыкаль номерлар башкарылды. Шулай ук тылда Җиңүне якынайткан фидакарь ветераннар өчен шигырьләр укылды һәм җырлар башкарылды.