«Батырларның даны мәңгелек”

Илмәт авылы китапханәсе “Көчле рухлылыр: разведчиклар һәм партизаннар турында китаплар укыйбыз” Бөтенроссия акциясендә катнашты. «Батырларның даны мәңгелек”дигән батырлык дәресендә балалар,фронтта һәм партизан отрядларында фашистлар белән көрәшергә булышкан яшьтәшләренең язмышлары белән таныштылар.Балаларга Марат Казей, Лёня Голиков, Зина Портнованың батырлыклары турында сөйләнде һәм презентация күрсәтелде.Фашист илбасарларына каршы көрәштә күрсәткән батырлыклары өчен аларга үлгәннән соң Советлар Союзы Герое исеме бирелү турында мәгълүмат алдылар.