Муса Җәлил

 Бүген татар шагыйре, Советлар Союзы Герое һәм СССР Ленин премиясе лауреаты Муса Җәлилнең тууына 118 ел тула. Ул Ырымбур өлкәсеннән, әмма биш ел гомерен Казанда үткәрә. Нәкъ менә Татарстаннан шагыйрь, бронядан баш тартып, Бөек Ватан сугышына китә, аннан кире кайта алмый. Әсирлеккә эләккәч, Муса Җәлил фашист легионында яшерен оешманы оештыручыларның берсе була, моның өчен җәзалап үтерелә . Бу истәлекле дата хөрмәтенә Ямаширмә авыл китапханәсе мәктәптә күчмә китап күргәзмәсе оештырды.