"Вакыт һәм технологиялар"

Татарстан Республикасында Фәнни-технологик үсеш елына Дөбъяз авыл китапханәсендә «Вакыт һәм технологияләр» дигән чара үткәрелде. «Вакыт машинасында» катнашучылар тарихи дәвер буенча танып-белү сәяхәтенә киттеләр. Чара ярдәмендә һәркем үзенең белемнәрен киңәйтә, шулай ук фәнни-популяр әдәбият дөньясына чума алды. Мондый әдәбиятны «Бөек ачышлар битләре буенча» күргәзмәсендә табарга мөмкин иде. Чарада  фәнни-техник эволюциясенең инсталляциясе аерым урын алды. Күргәзмә өчен экспонатларны китапханә укучыларының шәхси коллекцияләреннән, шулай ук «Гөлчәчәк» балалар бакчасы музееннан алынды. Күргәзмәдә барлыгы 20 дән артык предмет күрсәтелде. Балаларга көнкүреш һәм борынгылык предметларын карау һәм өйрәнү кызык иде. Әйтергә кирәк, балалар барлык приборларның да диярлек эш хәлендә булуына таң калдылар. Яшьләрдә диафильм карау аеруча соклану уятты. Шулай ук теләүчеләр инсталляция буенча экспромт-экскурсия уздырды, һәркайсының үзенчә оригиналь, кызык килеп чыкты. Туган якны өйрәнүче -коллекционер Шагиев Анита Анатольевна 35 ел эчендә авылдашы Гыйниятуллин Шамил Гыйният улының шәхси коллекциясеннән «Яшьләр техникасы» журналы күргәзмәсенә күзәтү үткәрде.