“Дөньяның гөл-чәчкәләре”

Шагыйрьләр, рәссамнәр хатын-кызга карата мәхәббәт һәм рәхмәт хисләрен белдерү өчен иң назлы сүзне, иң ачык төсне тапканнар, тылсымлы планеталарга һәм күңелне жилкендереп янучы йолдызларга  алар исемен биргәннәр.

Язның беренче бәйрәме – Халыкара хатын-кызлар көнен каршылап, 6 март көнне Балтач Үзәк балалар китапханәсендә “Дөньяның гөл-чәчкәләре” дип аталган бәйрәм программасы уздырылды.

Балтач урта мәктәбенең 4-А сыйныфы укучылары  әниләрен, әбиләрен, апа-сеңелләрен, сыйныфташ кызларны бәйрәмгә дәштеләр. Укучылар үзләренең талантларын, сәләтләрен күрсәтеп, Коръәннән сүрә дә укыдылар, баянда уйнадылар,  биеделәр, якыннарын шигырьле-җырлы тәлгәшләр белән дә сөендерделәр. Китапханәчеләр тәкъдим иткән “Хатын-кыз галәме” башваткычын  чишү, кызыклы уеннарда катнашу да кунаклар күңеленә хуш килде.