“Онытылмас Муса абый батырлыгы!”
15 февраль – герой-шагыйрь Муса Җәлилне искә алу көнендә Балтач Үзәк балалар китапханәсендә 2нче номерлы балалар бакчасының зурлар һәм мәктәпкә хәзерлек төркеменә йөрүче балалар өчен “Онытылмас Муса абый батырлыгы!” дип аталган әдәби-музыкаль иртә үткәрелде. Балалар Муса Җәлилнең тормыш юлы белән таныштылар, аның балалар өчен язылган “Парашютсыз курчак” исемле китабын бергәләп укыдылар. Кунаклар Муса Җәлил шигырьләренә язылган җырлар тыңлап, шигырьләрнең геройлары Әтәч, Куян һәм Маэмай белән кызыклы уеннарда да катнаштылар.