Авыл - милләтнең җаны

7 февраль көнне Татарстан республикасы премьер-министры урынбасары — авыл хуҗалыгы һәм азык-төлек министры Марат Азат улы Җәббаров, Россия Федерациясе Федераль Җыены Дәүләт Думасы депутаты, «Бердәм Россия» партиясе, Татарстан Республикасы Дәүләт Советы әгъзасы Илья Светославович Вольфсон, Балтач муниципаль район башлыгы Нотфуллин Рамил Рәшит улы, Балтач муниципаль район башлыгы урынбасары Сабирҗанов Наил Нургаяз улы Үзәк китапханәдә булдылар. Татарстанда авылларны саклап калуга, аларны яшәтүгә һәм үстерүгә, төрле эшчәнлекләр алып баруга юнәлдерелгән «Авыл яши – Деревня живет» пилот проектының Балтач районындагы эшчәнлеге белән таныштылар.