"Тукай- шигъри чишмәбез"
26 апрель көнне районыбызның Теләче үзәк ял паркында бөек татар шагыйре Габдулла Тукайның тууына 133 ел тулуга багышланган "Тукай-шигъри чишмәбез" дип исемләнгән шигърият бәйрәме үткәрелде. Тукай иҗаты буенча балалар башкаруында сәхнәләштерелгән күренеш куелды, шигырьләр, җырлар яңгырады. «Тукай сүнмәс йолдыз ул» дип исемләнгән китап күргәзмәсе, шагыйрьнең әсәрләре буенча кул эшләнмәләре һәм рәсемнәр күргәзмәсе оештырылды. Бәйрәмдә катнашучылар дипломнар һәм бүләкләр белән бүләкләнде. Бәйрәм «Туган тел» җыры белән тәмамланды.