"Җәлил яши, Җәлил мәңгелек"
13 февраль көнне Теләче җирлекара китапханәсе китапханәчеләре Теләче урта мәктәбендә булып, Муса Җәлил иҗатына багышланган әдәби викторина үткәрделәр. Шагыйрьнең тормышы һәм иҗаты турында электрон презентация күрсәттеләр.
Шулай ук Теләче җирлекара китапханәсенең уку залында «Муса Җәлил - мәңгелек йолдыз» дип исемләнгән китап күргәзмәсе оештырылды: герой - шагыйрь Муса Җәлил истәлегенә (1906-1944 еллар) күргәзмәдә тәкъдим ителгән басмалар Муса Җәлил һәм аның дуслары турында дошман тылында һәм аларның фаҗигале һәлакәтен сөйли. Шунда ук Муса Җәлилнең туган телендә чыгарылган һәм рус теленә тәрҗемә ителгән “Моабит дәфтәрләре” тәкъдим ителә.