"Сандугачтай моңлы Тукай теле"

    26 апрель көнне районыбызда   Габдулла Тукайның тууына 137 ел тулу уңаеннан "Сандугачтай моңлы Тукай теле" дип исемләнгән шигърият кичәсе үткәрелде. Әлеге кичәдә  китапханә тарафыннан оештырылган "Тукай мәңге безнең күңелләрдә" дип исемләнгән акциядә актив катнашып тамашачылар мәхәббәтен яулаган өлкәннәребез, мәктәп укучылары, балалар бакчаларыннан килгән нәниләребез  чыгыш ясады. Бәйрәмне  Теләче сәнгать мәктәбе укучысы Сәрвиназ Ханипованың, Арча шәһәреннән килгән Азалия Гайнетдинованың матур җырлары, “Чулпан” бию коллективының дәртле биюләре тагын да ямьләндереп җибәрде.  Чарада  һәр катнашучыга истәлек бүләге һәм Рәхмәт хатлары  тапшырылды.