"Тормыш матурлыгы-әниләрдә"

23 ноябрь көнне район үзәк китапханәсендә Әниләр көненә багышланган «Тормыш матурлыгы – әниләрдә» дип исемләнгән әдәби–музыкаль кичә булып узды. Әлеге чарага «Яшь гаилә» клубы әгъзалары чакырылган иде. Нәни катнашучыларыбыз өчен рус мультфильмнары буенча музыкаль викторина үткәрелде. «Шалкан» рус халык әкияте сәхнәләштерелде. Аннары балалар әниләренә багышлап җырлар җырладылар, шигырьләр сөйләделәр, шулай ук әниләргә бүләк ясау буенча мастер-класс оештырылды. Кичә чәй эчү белән тәмамланды.