"Үлемсез әдәби полк"

  8 ноябрь көнне Теләче үзәк китапханәсендә “Үлемсез әдәби полк” проекты кысаларында Татарстан Язучылар берлегеннән килгән язучылар катнашында очрашу булып узды. Проект җитәкчесе, ТР Язучылар берлегенең рус әдәбияты секциясенең әдәби клнсультанты, тәнкыйтьче, прозаик Г.И.Зәйнуллина; язучы, “Реплика” әдәби-музыкаль театры артисты А.Л. Аввакумов һәм “Реплика” әдәби-музыкаль театры режиссеры В.Л.Нежданов  әдәби кичәдә фронтовик язучылар Юрий Белостоцкий, Александр Бендецкий, Яна Винецкий, Павел Евгеньев, Сергейфремов, Тихон Журавлев, Рәмзи Илялов, Алексей Королев, Виктор Костригин, Владимир Мальцев, Анатолий Мельзников, Аркадий Мельников, Геннадий Паушкин, Мәҗит Рафиков, Валерий Синев, Дмитрий Сычев, Игорь Толстой белән таныштырдылар һәм  әсәрләреннән өзекләр укып үттеләр.

“Үлемсез әдәби полк” проектның максаты – Татарстаның фронтовик язучыларның иҗатын пропагандалау һәм мәңгеләштерү, замананың цифрлы технологиясен милләт файдасына эшләтү. Чөнки әлеге әсәрләр еллар узган саен үзләренең кыйммәтләрен югалтмый. Ә киресенчә, аларның ни дәрәҗәдә кадерле һәм кыйммәтле булуы ачыклана бара. Үзләре сугыш аша узган язучыларның әсәрләре тарихи чынбарлыкка, документларга нигезләнгән.

Очрашуга китап сөючеләр,  Теләче урта мәктәбенең “Юнармия” хәрәкәтенең активистлары килгән иде. Алар да халкыбызның батыр уллары һәм кызлары хакында чыгышларын бүләк итте. Безгә бүгенге бай, тыныч тормышны яулап алып биргән батырлар онытылырга тиеш түгел.