"Табигать, без һәм киләчәк"

  Теләче үзәк китапханәсе экология тәрбиясе бирүдә һәм аң-белем таратуда актив эш алып бара.  Әлеге юнәлеш еллар узган саен үзенең мөһимлеген югалтмый, чөнки кешелек тарихы табигать белән аерылгысыз бәйләнештә тора. 21 октябрь көнне китапханә хезмәткәрләре мәктәп укучылары катнашында “Табигать, без һәм киләчәк” исемле тематик әңгәмә үткәрделәр. Укучылар игътибарына табигатьне саклауга кагылышлы китаплар, вакытлы матбугат басмалары тәкъдим ителде, буклетлар эшләнде.