Россия дәүләт флагы көне

22 август көнне үзәк мәдәният һәм  ял паркында Теләче җирлекара китапханәсе хезмәткәрләре Россия дәүләт флагы көне уңаеннан китап күргәзмәсе оештырды. Россия флагы тарихы турында мәгълүмат бирелде. Балалар өчен тематик викторина үткәрелде, табышмаклар әйтелде. Бәйрәмдә катнашучыларның Россия флагын белү дәрәҗәсе тикшерелде. Бәйрәмдә шулай ук якташ язучыбыз Рашат Низами иҗатына нигезләнеп үткәрелгән видео конкурс җиңүчеләре дә бүләкләнде. Әлеге бәйгедә 35 видео белән 31 шигърият сөюче дусларыбыз катнашкан иде. Сезне алга таба да китапханә тарафыннан оештырылган бәйгеләрдә актив катнашырга чакырып калабыз.