“Күңелле стартлар”

13 июль көнне Урта Мишә авылы мәдәният хезмәткәрләре балалар өчен клуб янындагы мәйданчыкта “Күңелле стартлар” уены оештырдылар. Балалар ике командага бүленеп төрле спорт ярышлары, кызыклы эстафеталар, хәрәкәтле уеннарда көч сынаштылар. “Җитезләр” һәм “Өлгерләр” командасы уеннарны төгәл һәм оста итеп башкардылар. Саф һавада рәхәтләнеп күңел ачтылар. Спорт чарасы балаларны тагын да берләштерде.