”Дару кабарга ашыкма”
7 апрель - Бөтендөнья сәламәтлек көне. Сәламәтлек – ул кешегә табигать биргән иң зур байлык. Бу көн сәламәтлекнең кеше тормышындагы ролен һәм аны ничек сакларга икәнен аңлату өчен билгеләп үтелә. Шул уңайдан 9 апрель көнне Урта мишә авыл китапханәсендә клуб белән берлектә сәламәт яшәү рәвешен пропагандалау максатыннан ”Дару кабарга ашыкма” дип исемләнгән сәламәтлек сәгате үткәрелде. Күргәзмәгә "Дөрес туклану - сәламәтлек нигезе", "Сәламәт яшәү серләре", "Сәламәт тәндә - сәламәт акыл" сәхифәләре аша, сәламәтлеккә җаваплы караш тәрбияләү, күп кенә авыруларны булдырмый калу, дәвалау буенча киңәшләр тәкъдим ителде.