"Якты чырай – такта чәй"
15 декабрь - Халыкара чәй көне. Әлеге дата уңаеннан Урта Мишә авылы мәдәният хезмәткәрләре "Якты чырай – такта чәй" дип исемләнгән чәй кичәсе үткәрделәр. Әлеге чарада чәй тарихы, аны пешерү тәртибе, чәйне ничек дөрес сакларга һәм үлән чәйләренең шифасы турында кызыклы әңгәмә корылды. Шулай ук чәйгә багышланган мәкальләр һәм шигырьләр дә укылды. “Чәйдән соң – күңелдә җәй” дияргә ярата безнең халык. Чыннан да, бер йотым булса да чәй эчеп куйсаң, күңелләр җылына, кәефләр күтәрелә.