“Без тынычлык телибез”

23 сентябрь көнне Урта Мишә авылы мәдәният хезмәткәрләре Халыкара тынычлык көненә карата “Без тынычлык телибез” дип исемләнгән мәгълүмат сәгате үткәрделәр. Тынычлык символы - ак күгәрчен.  Чара барышында бу бәйрәмнең барлыкка килү тарихы, аны дөньяның төрле илләрендә ничек билгеләп үтүләре, дөнья символы – күгәрчен сурәте турында аңлатылды. Шулай ук бүгенге көннәр вәзгыяте, сугыш, тынычлык һәм дуслык, игелек һәм шәфкатьлелек, бәхет һәм матурлык, бер-береңә карата игътибарлык турында да сөйләшенде.