“Гаилә – ул йорт, гаилә – ул дөнья”

8 июль - Бөтенроссия гаилә, мәхәббәт һәм тугрылык көне буларак билгеләп үтелә. Әлеге бәйрәм уңаеннан Урта Мишә авылы мәдәният хезмәткәрләре чарага килүче балаларны кенәз Петр һәм үләннәр белән дәвалаучы Феврония тормышы турында риваять белән таныштырдылар. Шулай ук “Гаилә – ул йорт, гаилә – ул дөнья” исемле китап күргәзмәсе әзерләнде. Укучылар актив рәвештә викторинада катнашты, гаилә турында мәкаль-әйтемнәр һәм шигырьләр укыды, табышмаклар чиште.