“Фатих ага Хөснидән кыйммәтле күчтәнәч”

  Күкчә авылы китапханәсендә, мәдәният хезмәткәрләре белән берлектә Татарстанның халык язучысы, Г.Тукай исемендәге Дәүләт бүләге иясе, якташыбыз Ф.Хөснинең тууына 115 ел тулу уңаеннан “Фатих ага Хөснидән кыйммәтле күчтәнәч” дип исемләнгән әдәби кичә оештырылды. Әлеге чарада Фатих Хөснинең “Татар карчыклары”, “Кабак” хикәяләреннән өзекләр күрсәтелде, “Сөйләнмәгән хикәя”, “Венеция” хикәяләре укылды. Шулай ук Фатих Хөсни сүзләренә язылган җыр башкарылды. Кичә барышында Фатих Хөснинең туган авылы Мәтәскәнең табигатен мактап язылган шигырьләр дә укылды. Үткәрелгән чарадан катнашучылар канәгать калды.