«Җәлилчеләрне искә алабыз!»

 

Һәр елны 25 августта Татарстан Республикасында Муса Җәлилне һәм аның көрәштәшләрен искә алу көне билгеләп үтелә. Моннан 78 ел элек бу көнне Берлинның Плетцензее төрмәсендә фашизмга каршы көрәшне дәвам иткән унбер ватандашыбызны җәзалыйлар. Җәлил һәм аның иптәшләре яшерен, күрелмәгән көрәш оештыруда зур осталык күрсәтә. Әлеге истәлекле көн уңаеннан, Күкчә авылы китапханәчесе «Җәлилчеләрне искә алабыз!» дип исемләнгән әңгәмә үткәрде. Китапханәче балаларга Муса Җәлилнең иҗат юлы, «Моабит дәфтәре» китабының барлыкка килү тарихы, шагыйрь һәм аның көрәштәшләренең батырлыгы турында сөйләде.