Ялкын журналы битләрендә

2024 елда «Ялкын» журналына 100 ел тулды! Журнал яшүсмерләр өчен билгеләнгән һәм аларның тормышларына, кызыксынуларына һәм проблемаларына аерым игътибар бирә. Журналда яшьләр кумирлары турында материалларга һәм татар мәдәниятенең күренекле вәкилләре белән интервьюларга зур урын бирелгән. «Ялкын» журналының бай тарихы бар, кызыклы маҗаралар белән тулы, урта һәм өлкән мәктәп яшендәге балалар ял иткән вакытта уку өчен искиткеч журнал булып тора. Юбилей елы хөрмәтенә мәгълүмат сәгатендә укучылар журнал тарихы, кызыклы битләр буенча сәяхәт иттеләр, үзләрен журналистлар сыйфатында сынап карадылар, мавыктыргыч уеннарда катнаштылар, табышмакларны чиштеләр.