“Рус әдәбиятына нигез салучы”

Ел саен 6 июнь көнн, бөек рус шагыйре Александр Сергеевич  Пушкинның туган көне,  ә бөтен дөньяда – Халыкара рус теле көне билгеләп үтелә. Сауш авыл китапханәсендә “Рус әдәбиятына нигез салучы” исемле әдәби сәгать үткәрелде. Китапханәче балаларны А.С. Пушкин тормышы һәм иҗаты белән таныштырды. Чара конкурс программасы белән дәвам итте, катнашучы  балалар яраткан әкиятләре  буенча виртуаль сәяхәт ясадылар,  "Пушкин әкиятләрен беләсеңме?” дигән викторина сорауларына җавап бирделәр. Чара шигырь укучылар конкурсы белән тәмамланды, анда балалар бөек рус шагыйре шигырьләрен яттан сөйләделәр.