«Георгиевская лента»

  5 май көнне Сауш авыл китапханәсендә Җиңү көненең төп атрибутларының берсе булган «Георгиевская лента» брошкасын ясау буенча осталык дәресе үткәрелде. Очрашуда катнашучылар бу символның барлыкка килү тарихы белән танышып: тасма төсләренең нәрсә аңлатканын белделәр. Аларга Георгий тасмасын ничек дөрес тагарга кирәклеге турында аңлатылды. Ул чыннан да халык хәтеренең, әтиләрнең һәм бабайларның батырлыкларына хөрмәт символы булсын өчен, күкрәкнең сул ягында гына, йөрәк янында куелырга тиешлеге әйтелде.