“Туган җирем – татар җире, туган телем - Тукай теле»

Казаклар авыл китапханәсе 5-7 сыйныф укучылары өчен “Туган җирем – татар җире, туган телем - Тукай теле» дип исемләнгән чара үткәрде. Бу кичә укучыларда туган телгә һәм башка телләргә карата кызыксыну һәм хөрмәт тәрбияләү максатыннан үткәрелде. Китапханәче халыкның бай рухи мирасы турында сөйләде. Төрле телләрдәге шигырьләр һәм җырлар аша укучыларга телләрне өйрәнергә, аны яратырга һәм хөрмәт итәргә кирәклеге аңлатылды. Туган тел һәркемгә кадерле булырга тиеш. Чара ахырында укучылар белән «И, газиз туган телем» дип исемләнгән китап күргәзмәсенә күзәтү ясалды.