“Каурый өмәсе”
6 декабрь көнне Казаклар авылы китапханәчесе Альбина Рахматуллина милли йолаларыбызны, гореф-гадәтләребезне кире кайтару, аларны киләчәк буынга тапшыру максатыннан “Ахирәтләр мәҗлесе” берләшмәсе кысаларында “Каурый өмәсе” үткәрде. Бәйрәм халкыбызның милли уеннары, җырлары белән бергә үрелеп барды. Чара ахырында балалар киләсе елга каз бәбкәләренең күбрәк чыгуын теләп сызырылган каурыйларны су буена сиптеләр.