Туган якны өйрәнү сәгате узды

 Бүген ТАССРның 100 еллыгы уңаеннан, Әбде авыл китапханәсендә мәктәп укучылары өчен " Здесь край моих отцов и дедов" дип исемләнгән туган якны өйрәнү сәгате узды. Чараның максаты-туган як турында белемнәрне гомумиләштерү, аның матурлыгын һәм кабатланмаслыгын күрсәтү, Туган як табигатенә карата сакчыл, җаваплы караш һәм мәхәббәт, экологик культура тәрбияләү. Әңгәмә барышында "Кече Ватан» дигән төшенчәне ачарга тырыштылар. Бу республика, район, авыл, урам, йорт – зур илебезнең кечкенә бер кисәге. Балалар экспозициядә тәкъдим ителгән китаплар белән кызыксындылар. Безнең район, авыл һәм күренекле якташлар турындагы материаллар аларның игътибарын аеруча җәлеп итте.