«Йөгерүче китап – 2023» интеллектуаль узыш

Олы Нырсы авыл китапханәсе көзге Бөтенроссия социомәдәни «Йөгерүче китап – 2023» интеллектуаль узышына кушылды. Китапханәче алдан эшләнгән маршрут буенча юл тотып, үтеп баручыларга мәктәп һәм укытучылар турында гади сораулар һәм табышмаклар бирде, мәктәп программасыннан фәннәр буенча сорауларга җавап бирергә тәкъдим итте. Авыл халкы сорауларга гаҗәпләнеп һәм дусларча җавап бирде, беренче укытучыларын зур җылылык белән искә алдылар һәм катнашучылар белән бу хатирәләр белән уртаклаштылар.