"Арча даһие - Гариф Ахунов"
17 нче сентябрь көнне "Мәрхәмәтлелек үзәге" нең көндезге төркеменә йөрүче яшьүсмерләр һәм олы яшьтәгеләргә Үзәк китапханә хезмәткәрләре «Арча даһие – Гариф Ахунов» исемле татар язучысы – Гариф Ахуновның тууына 96 ел булуына багышланган искә алу кичәсе уздырды.
Кичә башында катнашучылар язучының иҗаты һәм тәрҗемәи хәле белән танышты. Кичәдә Халык язучысының әсәрләреннән һәм очеркларыннан өзекләр сөйләде. Шулай ук очрашуда катнашучылар Арча районының сәнгать һәм әдәбият өлкәсендә үзләрен күрсәткән яшь талантларына тапшырыла торган Г. Ахунов исемендәге премия турында мәгълүмат белән танышты. Г. Ахунов белән шәхсән таныш булган Илдус Габрахманович Сәгдиев белән интервью күрсәтелде. Ул язучы турындагы хатирәләре белән уртаклашты. Халык язучысы, якташыбыз Гариф Ахуновны искә алу кичәсе җылы атмосферада үтте.