Интернет нәрсә белән куркыныч булырга мөмкин?

Интернет тормышыбызның аерылгысыз өлешенә әверелде. Ләкин аның куркыныч яклары да булуын өлкәннәргә дә, балаларга да һәрдаим аңлату зыян булмас. Шул уңайдан,   китапханәдә кече яшьтәге мәктәп укучылары өчен Халыкара  интернет куркынычсызлыгы көненә багышланган "Интернет нәрсә белән куркыныч булырга мөмкин?" дип исемләнгән мәгълүмат сәгате үткәрелде. . Китапханәче Глобаль челтәрнең төп куркынычларын санап чыкты һәм "Кем кисәтелгән- ул коралланган"презентациясе буенча алардан ничек сакланырга кирәклеген әйтте. Ул балаларга ата-аналар һәм өлкәннәр һәрвакыт ярдәмгә килергә әзер булуын да искәртте. Ахырда "балаларга куркынычсыз интернет"дигән социаль ролик күрсәтелде. Чарада балалар күп кенә яңа һәм файдалы мәгълүматлар, социаль челтәрләрнең зыяны, компьютер һәм интернет бәйлелеге, шулай ук интернетка мөнәсәбәтләре турында фикер алышу һәм үз фикерләрен белдерү мөмкинлегенә ия булдылар.