Китап − ул хәзинә

Нинди генә шигырьне, әкиятне укысаң да, алар күңелне баета, бу гүзәл дөньяның серләрен ача. Китап укыган кеше, гомумән, бу дөньяны икенче яктан күрә, тормышның кадерен белергә өйрәнә. Үз телен, китапны яраткан кеше беркайчан да югалмас, тормышта үз урынын таба алыр. Китап - белем чишмәсе, дигән халык.

Китап безне матурлыкны күрергә, акыл эшчәнлеген үстерергә, гомумән, шәхес буларак формалашырга булыша. Китапханәләргә ешрак йөрегез һәм сез үзегез өчен яңа сихри дөнья ачарсыз!