Балачак бәйрәме

1 июнь – Халыкара балаларны яклау көне. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк. Шагыйрьләребез дә үзләренең шигырьләрендә шушы теләкләрне җиткерә.

Балаларны яклау көне —

Шундый матур бәйрәм бар,

Мәйдан тулы бала-чага,

Балаларга урам тар.

Бәхетле безнең балачак,

Яклау-саклаулы булгач,

Чыңлап тора җырларыбыз,

Чәчкәгә, нурга тулгач.