"Эльмира Шәрифуллина- күренекле татар шагыйрәсе!"

                                          Язы барның җирдә даны булыр,

                                                Язлар бирде сине бу җиргә.

                                        Зур җаннарга гына насыйптыр шул

                                                      Гасырларга үтеп керергә.

                                            Җаны барның җирдә җыры булыр,

                                                      Бәйрәмнәре булыр мәңгегә.  

                                          Без бәхетле, без шагыйрьле халык,

                                                     Без Тукайлы халык мәңгегә.(Эльмира Шәрифуллина)

Шушындый матур шигырь юллары белән башланып китте безнең, шагыйрә Эльмира Шәрифуллинага 70 яшь тулуга багышланган, әдәби ишегалдыбыз.Эльмира Шәрифуллинаның тормыш юлы, иҗаты, китаплары, шигырьләре белән таныштык.Балалар кызыклы, мавыктыргыч эчтәлекле шигырьләрен яратып сәнгатьле итеп укыдылар.Аның шигырьләре газеталарда даими басыла, шулай ук поэмасы да басылып чыкты.Шагыйрәнең шигырьләре үзеннән- үзе моңлы көйгә салынып укыла. Язучының"Игезәк йолдыз"- дигән китабы белән таныштык.Бу тарихи әкиятендә шәфкатьлелек, гаделлек, турысүзлелек сыйфатлары чагыла.Эльмира Шәрифуллинаның калын зәңгәр тышлы китабында: балалар өчен шигырьләр, җырлар, әкиятләр, табышмаклар, хикәяләр,сценарийлар урын алган.Шигырьләре һәм хикәяләре аша укучы тирә- юньне танып белергә, маҗаралы вакыйгаларга корылган әкиятләре аша үсемлекләр һәм хайваннар дөньясы белән таныша.Сценарийлары укучыларга табигать, язучылар иҗаты, тарихи шәхесләр турында мәгълүмат бирә.Эльмира Шәрифуллинаның күп китаплары шушы зәңгәр тышлы китапка тупланган.Укучылар рәхәтләнеп табигать кочагында китапларын укып ял иттеләр.