"Табигать- безнең өчен кояш хәзинәсе."Әдәби сәяхәт.

               25 нче май көнне, детсад балалары  һәм тәрбияче апалары белән,"Табигать- безнең өчен кояш хәзинәсе"- исемле әдәби сәяхәт оештырдык.

                Әйдәгез, балалар, болынга табигать китабын укырга кузгалыйк.Бу китап гаять бай.Анда ни генә юк: Җир, Су, Күк, Кояш, Ай. Болында үскән төрле- төрле агачларның, үләннәрнең, чәчәкләрнең файдасы санап бетергесез.Иң әһәмиятлесе- кислород бүлеп чыгарулары. Агачларны үстерү, саклау өчен без нинди эшләр башкарабыз, агачтан нәрсәләр ясыйлар, сез дару үләннәре белән танышмы- дигән сорауларга балалар тулы итеп җавап бирделәр.

                 Чыннан да,табигатьнең гүзәллеге, матурлыгы,байлыгы бары тик сокланырлык бит! Аның шифалы һавасына ни җитә!- дип нәтиҗә ясадык.

Кояшка карап елмайдык,

Җилләргә сәлам әйттек.

һәркем өйгә алып кайтты,

Бер кочак сәламәтлек.