"Үлемне җиңгән шагыйрь."

12 нче февраль көнне Пешәнгер авылы күпфункцияле үзәгендә Герой- шагыйрь Муса Җәлилгә багышлап "Үлемне җиңгән шагыйрь"- исемле шигырь кичәсе һәм бәйге үткәрелде."Бар җырымны илгә багышладым"дигән күргәзмәгә обзор булды.

                                                                               Җыр яшәтте мине хөр яшәргә,

                                                                                Һәм үләргә кыю ир булып.

                                                                                Гомерем минем моңлы бер җыр иде,

                                                                                Үлемем дә яңгырар җыр булып.

                   Патриот- шагыйрь Муса Җәлилнең шигъри таланты,сугышчан батырлыгы һәм хәрби оештыру осталыгы фашизмга каршы аяусыз көрәштә бөтен тулылыгы белән ачылды.Аның исеме дөньяда үзенең Ватанына, үз халкына турылыклы булуның гүзәл символына әйләнде.Муса халыклар дуслыгы җырчысы буларак җир йөзендә зур соклану тудырды.

                Муса Җәлил поэзиясе тау елгасы кебек көчле һәм ярсу да, кырыс һәм шаян да, дәртле һәм сагышлы да.

                 Муса Җәлилнең иҗаты һәм тормыш юлы белән таныштырдым."Исемең калды моңлы бер җыр булып"- дип исемләнгән презентация белән танышып уздык.Укучылар Муса Җәлилнең шигырьләрен,җырларын башкардылар.Кичәдә катнашучылар 2 командага бүленеп, Муса Җәлил иҗаты буенча сорауларга бик тиз һәм төгәл җавап бирделәр.