“Җиңүле,горур май”
Бөек Җиңүнең 79 еллыгы уңаеннан Яңа Кишет мәктәбендә концерт программасы тәкьдим ителде.Бәйрәм кичәсендә авыл җирлеге башлыгы,авыл китапханәчеләре,мәдәният хезмәткәрләре,күп кунаклар катнашты.Иске Кишет авылыннан сугыш ветераны Хөрмәтулла Сафиуллинның кызы Гөлзадә апа Вәлитова үзе дә инде олы яшьтәге кеше.Ул үзенең әтисенә багышлап язган шигырен сөйләде һәм Ильһам Шакиров репертуарыннан матур җыр тәкъдим итте.Бәйрәм концерты патриотик хистәге шигырьләр,җырлар белән үрелеп барды.