“Мәңге имин Җир кирәк!”

       Бөтендөнья Җир көне уңаеннан Яңа Кишет балалар бакчасында Иске Кишет авыл китапханәсе белән берлектә экология сәгате узды. Чара башында китапханәче балаларга бу экологик дата һәм планетабызны сакларга кирәклеге турында кыскача сөйләде.Китап күргәзмәсен карап чыктым. Җир-безнең бердәнбер йортыбыз. Ә үз йортыңны сакларга кирәк, аның турында кайгырта.Чара барышында балалар мәкальләр һәм әйтемнәр белән таныштылар,табышмаклар чиштеләр ,китапханәче аларга әкиятләр,шигырьләр укыды,төрле уеннар уйнады һәм болар барысы да безнең җир-анабыз һәм анда яшәүче һәм үскән кешеләр белән бәйле иде.Чара ахырында китапханәче Гөлфия Габитова балаларга табигатьтә үз-үзләрен тоту кагыйдәләрен онытмаска, безнең җирне һәркемгә бергә һәм һәркемгә аерым сакларга кирәклеген искәртте.