Әфганстан –йөрәк ярасы.(Батырлык дәресе)

Максаты: Әфган сугышы, аның асылы белән тирәнтенрәк таныштыру,Әфганстанда хәрби хезмәттә булган егетләргә карата хөрмәт хисләре тәрбияләү, укучыларга батырлык, героизм кебек хисләрнең югарылыгын күрсәтү; мондый сыйфатларны булдыруда үзтәрбиянең ролен аңлату.                                                   Яңга-Сала авыл китапханәсендә (музей), Әфганстаннан совет гаскәрләре чыгарылуга 28 ел тулу уңаеннан, Яңга-Сала башлангыч  мәктәбенең  2-4 сыйныф  укучылары белән  "Әфганстан –йөрәк ярасы” исеме астында батырлык дәресе үткәрелде. Китапханә мөдире  Ф.А.Борханова тарихта эз калдырган Әфган сугышы турында сөйләде.
Яңга-Сала  авыл җирлеге буенча сугышчы – интернационалистларга багышлап эшләнгән альбом аша мәрхүм  Әхмәтов Рафис Тимершаех улы , Гайнетдинов Габдулгани Габделхәй улы, Хаев Фәрит Фәрт улы, Касыймов Фәрит Таһир улының сугышчан юллары һәм тормышлары белән таныштырды.  Аннан соң сүз кунак әфганчы – интернационалист Сафин Ринат Илгиз улына бирелде ул үзенең истәлекләре белән уртаклашты, хәтирәләрен яңартты, сорауларга җаваплар бирде.

Китапханәче “Татар егете – ил бөркете” – дигән күргәзмәгә күзәтү ясады.