"Сак бул! Наркомания!"- күргәзмә әңгәмә

14 март көнне Яңасала авыл китапханәсендә “Сак бул!Наркомания” – дигән күргәзмә - уйлану төзелеп тәкъдим ителде,киң  катлам укучылар өчен профилактик әңгәмә үтте.

“Кадерле укучым! Белә торып, үзеңне үлемгә дучар итүнең кирәге бармы? Юк!!!

Наркотиклардан башка гына тормыш матур, кызыклы вакыйгаларга бай! Дусларыңны, тормыш матурлыгын берничә сәгатьлек буш “ләззәткә” алыштырырга, әти-әниеңне кайгыга салырга кирәкми!

Исеңдә тот, наркомания – күңелле шөгыль дә, компаниядә күңел ачу да, шаяру да түгел, ә чир. Төзәтеп булмаслык, коточкыч һәм газаплы... Шуның өчен татып карамаска һәм кагылмаска дигән сүзләр сезнең өчен ант кебек яңгырасын!” – дигән үтенеч белән чыктык китапханәче.